Psalms 14

मुख्य गायकासाठी; दाविदाचे स्तोत्र.

1मूर्ख आपल्या हृदयात म्हणतो, “देव नाही.”
ते भ्रष्ट झाले आहेत आणि त्यांनी घृणास्पद अशी पापे केली आहेत.
चांगले करणारा कोणीच नाही.

2परमेश्वर स्वर्गातून खाली मनुष्य संतानास पाहतो की,

कोणी एखादा तरी समजणारा आणि त्याच्यामागे चालणारा अाहे काय?
3प्रत्येकजण बहकून गेला आहे, ते सर्व गलिच्छ झाले आहेत.
सत्कर्म करणारा कोणीही नाही, ऐकही नाही.

4जे अन्याय करतात त्यांना काहीच ज्ञान नाही काय?

ते भाकरी खातात तसे माझ्या लोकांना खातात;
ते परमेश्वराला हाक मारत नाहीत?

5परंतु ते भीतीने थरथर कापतील,

कारण देव न्यायींच्या सभेत आहे.
6तुम्ही गरीब माणसाचा अपमान करू इच्छित आहात, तरी परमेश्वर त्याचा आश्रय आहे.

अहा! सियोनातून इस्राएलाचे तारण आले तर किती बरे होईल!

जेव्हा परमेश्वर त्याच्या लोकांना दास्यातून सोडवेल,
तेव्हा याकोब आनंदी होईल आणि इस्राएल हर्ष करेल.
7